Ich mään jo blooß Segunnekleewer fer die Weikeenichin
Des sinn so Woche, wu ich ins Schwanke kumm. Schreiw’ich iwwer zwää Landrät un en Owwerborjemääschter, die sich vor de G’schäftsstell vun de Palzwei-Werwung in Neistadt mit Segunnekleewer uff de Asphalt babben, wu se dann fer de Klimaschutz
Odder schreiw’ich emol widder iwwer die dunkle Mächt im Staatswese, die mich grad dermaße mit Baustelle eikäschtlen, dass ich ganz offiziell mei Kapitulation erklär, mir e Schipp un e Hack aus’m Keller hol un an de neggschtgelechene rot-weiße Absperrung um en Feriejob bettel? In de Hoffnung naddierlich, dass des zufällich äns vun denne Summerlecher isch, wu ach tatsächlich jemand schafft, un känns vun denne, wu blooß do isch, weil in de Feriezeit noch e paar Durchfahrt-Verbote-Schilder an die frisch Luft gemisst hänn.
Odder schreiw’ich iwwer de Bundesg’sundheitsminischter Karl Lauterbach un sei Bundesregierungskolleeche, wu in 100.000 Eiro deire Fliech in de Sudan g’floche sinn, um uffmerksam zu mache uff e humanitäri Kataschtroof vun (
Wu war ich? Genau: Bei de Iwwerleechung, iwwer was ich schreib die Woch. Unner uns: Ich schreib jetzt gar nix mä. Ich loss mich in meim Dienschtwache nooch Frankedaal ins Strandbad kutschiere. Un uff’m Weech dorthie heer ich e bissel AC/DC. Ich mään jo blooß.
Die Kolumne
Michael Konrad schreibt seit 2007 die Kolumne „Ich mään jo blooß“ für jede Ausgabe der RHEINPFALZ am SONNTAG – und natürlich immer auf Pfälzisch. Das Buch zur Kolumne („Ich mään jo blooß: De Ding“, Lipplerbookz, Annweiler, 2022) gibt es zusammen mit allen anderen Büchern des Autors („Saach blooß“, „Können Sie Pfälzisch?“) im Buchhandel und im RHEINPFALZ-Shop.